Ngă tui tơlơi pơtrun mơ̆ng Khua dêh čar kơ bruă “500 hrơi mlam mă bruă ƀu pơdơi čuk pơkra kiăng khom giong abih 3000 km jơlan rơdêh đuăi hmar amăng dêh čar” mơ̆ng plah wah blan 8/2025, lu sang bruă tuh pơ alin čuk pơkra jơlan rơdêh đuăi hmar Khánh Hòa-Ƀuôn Ma Thuôt hơmâo iâu pơtum hơdôm rơtuh čô mơnuih kơhnăk bruă pơkra jơlan man pơdong, mơnuih ngă kông ñơn hăng rơdêh čuk mă bruă ha hrơi mlam ƀu pơdơi, pơblih nao rai 3 wơ̆t, 4 gưl mơnuih mă bruă na nao sa dơnuai. Kơčăo bruă anai, čuk jơlan ataih 117,5 km, jơlan prong djop 4 boh rơdêh nao sa amăng plĕ, rơnoh prăk tuh pơ alin giăm 2.000 klai, gir run kiăng ngă giong jơlan anai amăng thun 2026 laih anun dưi rô nao rai sit nik amăng akŏ thun 2027.

 Truh ră anai, 2 jơlan mur gah rơgup čư̆ dua luh glông 1.700 met ƀơi jơlan rơdêh đuăi hmar tơring čar Khánh Hòa hăng Dak Lak ngă giong laih, amăng anun jơlan mur amăng luh gŭ čư̆ ngă giong 82% črăn bruă.

Pran jua mă bruă hlăk ječ ameč, khut khăt amăng anih dŏ mă bruă kiăng pơdah rai tơlơi gir run mơ̆ng sang bruă mơdrô tuh pơ alin prăk kăk hăng djop sang bruă apah mă bruă čuk pơkra kiăng ngă djơ̆ tơhnal pơkă khom giong jơlan nao rai bơwih brơi tơlơi mơak nao rai  pơđĭ kyar ƀơi dêh čar.