Ƀơi mông jơnum, Khua mir sir ơi Lương Cường hrŏm hăng ƀing khua mua djop ding jum, anom bruă gah gơnong dlông hơmâo jao brơi 137 pri apah bơni kơ rĭm čô, khul bruă hơmâo mă pri: Amăng anun 12 pri A, 23 pri B, 36 pri C hăng 66 pri pơsur pran jua.

Amăng mrô anai, Gong phun jua pơhiăp Việt Nam hơmâo 1 pri A hăng 1 pri C, mơ̆ng anun kiăng ƀuh tơlơi gơgrong yom mơ̆ng Gong phun jua pơhiăp Việt Nam amăng bruă pơgang atur tơlơi pơmin Ping gah dêh čar. Laih dơ̆ng Khul khua mua pơphun apah pri ăt hơmâo jao 20 pri lu tơlơi čang rơmang kơ ƀing mơnuih tơpuôl, hlăk ai tơdăm dra hơmâo tơlơi čih pơhing rơgơi; 20 pri kơ anom bruă, tơring čar hơmâo boh tơhnal klă amăng bruă pơphun tal pơplông mơ̆ng gưl yŭ laih anun ƀơi dêh čar hăng hơmâo pri apah bơni kơ ƀing mơnuih tha rơma hăng ƀing čơđai hloh ba gru hlâo.