VOV4.Jarai - Mơguah lơ 4/10, ƀơi Hà Nội, Anom bruă kơsem min boh thâo mơnuih mơnam Việt Nam pơphun Jơnum bơkơtuai “Boh thâo gah mơnuih mơnam găn rơgao 10 thun ngă tui tơlơi pơtrun mrô 20 amăng pơđĭ kyar boh thâo măi mok phrâo”. Tui ƀing Khua mua, dong mơng hrơi mă yua, tơlơi pơtrun mrô 20 ngă gêh gal hăng pơtrut pơđĭ kyar mă yua boh thâo phrâo amăng đơ đam dêh čar. Mơng anun hơmâo hơdôm tơlơi pơgôp hmao tlôn kiăng klă dong amăng bruă git gai mơng Ping gah, tŭ yua amăng bruă mă mơng anih anom kơđi čar; pơphun hơbô̆ bruă pơđĭ kyar bơwih ƀong huă; hơmâo lu tơlơi pơgôp sit nik amăng bruă pơhlôm hơđong kơđi čar hăng ba tơbiă hơdôm tơlơi črâo trun, hơdră bruă pơplih phrâo hơbô̆ bruă pơđĭ kyar, klă dong, mă bruă ba glăi tŭ yua hăng dưi bơkơtưn amăng bơwih ƀong huă; pơđĭ kyar djop khul grup kơsem min boh thâo gah mơnuih mơnam, ƀing mơnuih rơgơi kơhnâo amăng gơnong bruă phun.

Jơnum boh thâo gah mơnuih mơnam găn rơgao 10 thun ngă tui tơlơi pơsit mrô 20

Samơ̆ lơ̆m ngă tui tơlơi pơtrun ăt dŏ lu tơnap tap. Lu bruă mă mơng ƀing rơgơi kơhnâo arăng ƀu lăng kar hăng boh thâo kơsem min; kiăng tŏ tui pơplih phrâo, gơgrong, tơlơi yôm mơng boh thâo mơnuih mơnam; đing nao brơi kơ djơ̆ hăng tơlơi yôm mơng gơnong bruă; pơđĭ kyar mơnuih mă bruă thâo rơgơi; ngă tui črăn tơlơi phiăn kiăng pơsir hĭ hơdôm tơnap tap amăng tơlơi pơtrun mrô 20.

VOV/Siu Đoan: Pơblang