Jơnum bơkơtuai yua Anom bruă čoh hơdrôm hră kơđi čar dêh čar tơpă sit gum hrŏm hăng Anom bruă pôr pơhing hăng pơtô pơblang pơphun. Amăng mông jơnum, ƀing khua mua brơi thâo, truh ră anai, đơ đam dêh čar hơmâo 815 anom bruă pôr pơhing, 57 anom čoh hơdrôm hră hăng hơdôm pluh rơbâo mơnuih mă tơlơi pơhing, ƀing dăp hơdră. Hơdôm anom bruă pôr pơhing, čoh hră pơhing ƀu pơdơi prong kơtang, tŭ mă hơdră pơđĭ kyar hrŏm amăng jar kmar, ba glăi lu tơlơi pơhing klă hloh, djơ̆ hăng tơlơi kiăng amăng tơlơi hơdip mơda, pơgôp yôm phăn ba glăi tơlơi dưi prong prin, gru grua hing ang amăng lŏn ia.

Mông jơnum

Samơ̆, pơhmu hăng tơlơi rơkâo amăng pơđĭ kyar phrâo amăng lŏn ia, tơlơi gơgrong mơng anom bruă čih tơlơi pơhing amăng wai pơgang tơlơi črâo trun, hơngah hĭ hơdôm tơlơi pơčut pơčao mơng ƀing sat aka ƀu kjăp ôh; kiăng hơmâo tơlơi pơplih phrâo, pơsit jơlan gah, hơdră bruă phrâo, pơplih phrâo. Mơng anun kiăng ngă tui tơlơi gơgrong, pran kơtang amăng pôr pơhing, črâo ba tơlơi hơdip, kiăng hơmâo lu mơnuih đăo gơnang, wai pơgang kjăp tơlơi pơtrun mơng Ping gah, hơngah hĭ hơdôm tơlơi pơčut ngă soh.