Ding kơna git gai ping gah dêh čar, Khua anom pơtô bruă ping gah dêh čar, ơi Nguyễn Trọng Nghĩa git gai jơnum. Ƀơi mông jơnum, ƀing khua mua pơtum lăi nao, pơčrong sai hăng ngă rơđah hloh anŏ glăm ba, tơlơi gơgrong phun, boh yôm mơ̆ng bruă mă akŏ pơdong ping gah lăi nao kơđi čar, tơlơi pơmin, pran jua ai hơtai; anŏ pơtruh nao rai kơplah wah akŏ pơdong ping gah kơ bruă kơđi čar, tơlơi pơmin, pran jua ai hơtai hăng bruă akŏ pơdong ping gah pơphun laih anun dăp bruă khua mua.

Jơnum tal anai djru hrŏm ngă rơđah hloh hơdôm tơlơi pơmin nao hơdôm thun hăng anai, biă mă ñu hăng hơdôm tơlơi lông lăng amăng mơkrah rơwang bruă laih rơgao. Bruă kơđi čar, tơlơi pơmin, pran jua ai hơtai mơ̆ng 3 mơta bruă akŏ pơjing pioh pơtrut kơnuih, pran kơtang hăng kơnuih hiam mơ̆ng ping gah ta.