Ƀơi mông jơnum, ƀing mơnuih rơgơi kơhnâo, kơsem min gru grua dêh čar hơmâo pơblang rơđah pran jua ai hơtai mơ̆ng Khua tơhan krên dên ơi Đoàn Khuê-mơnuih ping gah tong ten, ba gru bơngač kơ pran jua hiam tơhan hơkrŭ, abih tơlơi hơdip pô pơyơr kơ bruă hơkrŭ mơ̆ng ping gah, djuai ania hăng ling tơhan. Thượng tướng Lê Huy Vịnh, Kơ-iăng khua ding jum ling tơhan lăi: Abih 60 thun ngă bruă hơkrŭ, Khua tơhan krên dên ơi Đoàn Khuê hơmâo găn rơgao lu grat, lu bruă apăn, lu anih mă bruă.

Mah ngă bruă hơgĕt tŭ mơ̆n, anih dŏ mă bruă pơpă hai, ơi Đoàn Khuê ăt djă bong kjăp pran jua tong ten mơ̆ng sa čô tơhan hơkrŭ, abih pran jua yua kơ bruă mă bơwih brơi kơ dêh čar, bơwih brơi kơ mơnuih ƀôn sang; hơduah ĕp, pơsit bruă, pơčeh phrâo git gai pơčrâo ba kiăng ngă giong bruă jao mơ̆ng ping gah, kơnuk kơna hăng mơnuih ƀôn sang jao.