Amăng mông jơnum, dua bơnah lăng yôm tơlơi gơgrong amăng kual hăng hơdôm hơdră bruă yua ASEAN črâo ba. Thượng tướng Hoàng Xuân Chiến lăi pơtong, Việt Nam hruă kjăp tui jơlan pơtom hiăp rơngai, ngă pô, rơnuk rơnua, giang mah; djop bơnah, djop mơta hăng hơdră bruă ling tơhan “4 mơta ƀu ngă”: ƀu mut hrŏm pơlir hơbit ling tơhan; ƀu pơlir hơbit hăng dêh čar anai kiăng kơdong glăi dêh čar adih; ƀu brơi dêh čar tač rơngiao pơdong puih kơđông tơhan ƀudah yua kual lŏn Việt Nam kiăng kơdong glăi dêh čar pơkŏn; ƀu yua phao kơtuang ƀudah pơčuih mă yua phao kơtuang amăng tơlơi rô nao rai jar kmar.

Pơ anăp anai dua bơnah tŏ tui gir run pơtrut ngă hrŏm; pơtrut kơtang ngă hrŏm amăng pơtô pơjuăt mơnuih mă bruă, ngă hrŏm kơplah wah tơhan sơlup, tơhan rơdêh por dua bơnah. Pơtrut ngă hrŏm amăng hơdôm tơlơi gal anun lĕ pơhlôm hơđong amăng plang internet, mă yua boh thâo phrâo, ia jrao, tuh tia pơkra pơjing, phiah phiăn. Thượng tướng Hoàng Xuân Chiến hơmâo jak iâu khua mua Ding jum ling tơhan Singapore hrŏm hăng hơdôm anom bơwih ƀong sĭ mơdrô Singapore rai pơ Việt Nam nao lăng pơdă prưng ling tơhan jar kmar Việt Nam thun 2024.