Jơnum bơkơtuai tơhnal Lý Luận tal 18 pơphun amăng hrơi blan tơlơi rô nao rai dua Ping gah, dua Kơnuk kơna tŏ tui pơđĭ kyar hiam klă, hơmâo lu tơlơi dưi amăng djop bruă; dua bơnah phrâo hơdor glăi 15 thun hrơi akŏ bruă ngă hrŏm yôm phăn djop mơta. Amăng mông jơnum, dua čô khua apăn akŏ dua bơnah pơsit tong tơlơi yôm mơng bruă kơtưn pơlăi nao rai gah Lý luận kơplah wah dua Ping gah amăng rơnuk phrâo, hăng brơi thâo anai lĕ hrơi mông kiăng dua bơnah pơlăi nao rai hơdôm tơlơi dưi amăng tơhnal Lý luận hăng tơlơi găn rơgao sit nik yôm phăn mơng dua Ping gah amăng git gai hăng pơphun ngă tui hơdôm tơlơi črâo trun, hơdră bruă wai pơgang jum dar, sit biă ñu amăng pơtrut ngă pơplih phrâo hăng pơđĭ kyar lŏn ia.

Jơnum bơkơtuai ăt pơgôp ngă hiam tui tơlơi rô nao rai ngă hrŏm sui thun djop mơta Việt Nam-Khač. Amăng mông bơkơtuai, ƀing khhua mua dua bơnah hơmâo lăi nao tơlơi sit nik hăng tơlơi găn rơgao mơng rĭm bơnah, mut dơlăm nao kơ bruă pơlăi nao rai hơdôm hơbô̆ bruă truh kih kah hăng hơdôm anŏ aka ƀu klă amăng bruă wai pơgang anih dŏ hơdip jum dar.