Lơ̆m bruă mă bơwih ƀong huă mơnuih mơnam amăng dêh čar hlăk bưp tơlơi tơnap tap kah hăng ră anai, Jơnum anai pơčrong sai amra tŭ mă boh tơhnal kơsem min ia rơgơi, tơlơi ngă lăp djơ̆, glăm ba mơ̆ng hơdôm čô mơnuih ngă gru, kơhnâo rơgơi, ƀing ngă bruă sĭ mơdrô amăng dêh čar hăng mơ̆ng tač rơngiao hrŏm hăng ƀing pơ ala mơnuih ƀôn sang dêh čar.....pơyơr boh thâo ia rơgơi kiăng pơtrut rơnoh pơđĭ kyar bruă mă amăng lăm dêh čar, pơjing rai bruă mă pơtrut boh tŭ yua hăng pơđĭ kyar hơđong kjăp.

Jơnum anai mông gêh găl pơtong rơđah tơlơi pơhing amăng rŏng lŏn tơnah hăng amăng dêh čar, rơđah biă mă ñu tơlơi kơƀah, tơdu, anŏ ngă gun hĭ, mơ̆ng anun pơdah thâo hơdră djơ̆ lăp pok pơhai găl hăng rơnuk phrâo, pơjing rai pran kơtang pơđĭ kyar hơđong kjăp. Jơnum anai, mông gêh găl kiăng lăi pơthâo anŏ kiăng: Khua mua pơ ala mơnuih ƀôn sang dêh čar, Kơnuk kơna, djop anom bruă kơnuk kơna ngă hrŏm hăng sang bruă sĭ mơdrô pioh ngă tui djơ̆ tơhnal pơtrun rŭ glăi tơlơi bơwih ƀong huă hăng rŭ glăi ĕp anih sĭ mơdrô tơ̆i đưn kiăng dưi pơphun glăi sĭ mơdrô tañ ngă djơ̆ boh tơhnal pơkă amăng bruă pơđĭ kyar bơwih ƀong huă mơnuih mơnam amăng dêh čar.