Pơhiăp amăng mông jơnum, ơi Phạm Tấn Công, Khua Khul pơlir hơbit sĭ mơdrô hăng măi mok Việt Nam lăi rơđah: Hăng tơlơi lăng ƀuh mơ̆ng anom bơwih ƀong lĕ khul ba jơlan hlâo amăng pơdŏng bơwih ƀong lĕ, mơnuih bơwih ƀong jing pô git gai, wai lăng, pơtô bruă anom bơwih ƀong mơ̆ng lŏn ia.

Ƀrô djơ̆ Hrơi anom bơwih ƀong Việt Nam (13/10), thun anai khul anom bơwih ƀong čơkă mă Tơlơi pơtrun pơsit 41 mơ̆ng Ding jum kơđi čar kơ pơdŏng hăng ngă tui bruă mơnuih bơwih ƀong Việt Nam amăng rơnuk phrâo, hmâo lu bôh yôm phrâo kơ tơlơi pơmin, pơsit jơlan gah hăng jơlan pơsir pơlar khul mơnuih bơwih ƀong Việt Nam amăng rơwang phrâo pơ̆ anăp, anăp nao ngă tui tơhnal pơkă kiăng ba lŏn ia ta jing lŏn ia pơđĭ kyar amăng thun 2045./.