Tơlơi lăi pơthâo glăi mơ̆ng Grŭp črâo ba pơgang pơgăng hơjan ia ling dăo ngă dêh čar ta brơi thâo, dong mơ̆ng akô̆ thun 2023 truh ră anai, hơjan ia ling dăo hmâo laih ƀơi hơdôm kual, ngă răm rai prong gah mơnuih hăng kông ngăn, bơdjơ̆ nao bruă đang hmua, lu biă ñu lĕ hơjan prong, ia kor, lŏn tơhroh tơhlom ƀơi hang ia krông, hang ia rơsĭ.

Klah čun amăng mông mă bruă, Kơ-iăng Khua dêh čar ta, ơi Lê Minh Khái lăi rơđah, Gong gai dêh čar, Khua dêh čar đing nao biă, hrŏm hăng tơring čar pơsir anô̆ răm rai kiăng pơhlôm tơlơi hơdip mơnuih ƀôn sang. Tơdah lăi rơđah bruă pơsir anô̆ răm rai khom “Pơsit tañ”, Kơ-iăng Khua dêh čar ta, ơi Lê Minh Khái rơkâo, hơdôm ding jum, gơnong bruă lăi pơthâo nao rai tơlơi gum pơhiăp kiăng pơlir hơbit lăi pơthâo kơ Khua dêh čar pel ĕp tơlơi pơsit, pơsir hmao tlôn, ba glăi bôh tơhnal, djơ̆ bôh than, djơ̆ tơlơi pơkă amăng tơlơi phiăn./.