Thun 2023, khul git gai mrô 389 djop ding jum, gơnong bruă, gong gai hơmâo ĕp ƀuh, pơsir hĭ hmao tlôn lu bruă ngă soh, ƀing mơnuih sĭ dŏp, plư pleč sĭ mơdrô hăng sĭ gơnam pơkra ča čot, pơhlôm rơnuk rơnua mơnuih mơnam, hơđong sĭ mơdrô. Hơdôm anom bruă bơdjơ̆ nao, gong gai hơmâo ĕp ƀuh, mă pơkŏng, pơsir hĭ rơbêh 146 rơbâo 600 bruă ngă soh, đĭ giăm 5% pơhmu tui tơđar.

Mrô prăk duh sang bruă prăk kơnuk kơna rơbêh 14.800 klai prăk, đĭ 17% pơhmu tui tơđar, ƀom kiơng 616 bruă ngă soh hăng 724 čô mơnuih. Sa, dua tơlơi pơgôp amăng jơnum anai lăi rơđah, bruă sĭ gơnam ča čot dŏ tơnap tap, hluai tui plang mơnuih mơnam hăng dŏ amăng hơdôm kơthung gơnam pơdŭ pơgiăng nao rai.