VOV4.Jarai - Mơguah lơ 27/9, Jơnum min apăn bruă Khua pơ ala mơnuih ƀôn sang dêh čar ta Jơnum pok phun Jơlan hơdră lăng tui mơng Khua pơ ala mơnuih ƀôn sang dêh čar ta thun 2023, tô nao rai lăng nao rai mơng ataih hăng 49 Grŭp khua pơ ala mơnuih ƀôn sang hơdôm bôh tơring čar, ƀôn prong. Jơnum kiăng pơsit abih bang tơlơi pok pơhai Jơlan hơdră lăng tui mơng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang dêh čar ta thun 2022 hăng pok pơhai hơdôm bôh yôm gah Jơlan hơdră lăng tui mơng Khua pơ ala mơnuih ƀôn sang dêh čar, Jơnum min apăn bruă Khua pơ ala mơnuih ƀôn sang thun 2023. Ƀing khua pơ ala mơnuih ƀôn sang gum pơhiăp hơdôm bôh yôm kah hăng: Tơnap tap, tơlơi gun amăng pok pơhai ngă tui Jơlan hơdră lăng tui mơng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang thun 2022; jơlan gah pok pơhai ba glăi bôh tơhnal Jơlan hơdră lăng tui mơng Khua pơ ala mơnuih ƀôn sang, Jơnum min apăn bruă Khua pơ ala mơnuih ƀôn sang thun 2023, đing nao ba tơbiă hơdôm jơlan gah pơđĭ tui anô̆ klă, bôh tơhnal ngă tui 4 akô̆ bruă lăng tui mơng Khua pơ ala mơnuih ƀôn sang./.

Siu H’ Prăk: Pơblang