VOV4.Jarai - Lơ 14/10, ƀơi Hải Phòng, grup djă pioh hră pơ-ar jar kmar ƀơi Việt Nam (IDG Việt Nam) gum hrŏm hăng Khul pôr pơhing mă yua boh thâo phrâo Việt Nam pơphun jơnum bơkơtuai gưl dêh čar kơ bruă Kơnuk kơna mă yua boh thâo phrâo 2022 hăng anăn “Hơbô̆ mơnuih ƀon sang, sang hră gưl prong, mă bruă logistics, pơđĭ kyar mă djă pioh hră pơ-ar, mơnuih ƀon sang, lŏn mơnai hăng hơdră pơtrut pơplih mă yua boh thâo phrâo amăng dêh čar”.

Jao pri hăng pơpŭ kơ khua mua thâo rơgơi amăng pơplih mă yua boh thâo phrâo thun 2022

Amăng mông jơnum, ƀing rơgơi kơhnâo hơmâo pơlăi nao rai hơdôm bruă djă pioh hră pơ-ar mơnuih ƀon sang hăng pơsit tong amăng điện tử, hơbô̆ bruă mơnuih ƀon sang, sang hră gưl prong, sĭ mơdrô mă yua boh thâo phrâo..; lăi pơthâo hơdôm hơdră bruă mă yua boh thâo phrâo kiăng pơđĭ kyar bơwih ƀong huă, mơnuih mơnam, anăp nao hơnong pơkă mă yua boh thâo phrâo amăng dêh čar rơwang thun 2022-2025. Khul pơphun hơmâo jao pri hăng pơpŭ ƀing khua mua thâo rơgơi amăng mă yua boh thâo phrâo thun 2022(CDO awards). Ƀrô tal anai, ƀôn prong Hải Phòng hơmâo pok plang pơhing kơ lŏn mơnai ƀôn prong. Hăng plang pơhing anai, mơnuih ƀon sang, anom bơwih ƀong sĭ mơdrô amăng ƀôn prong Hải Phòng dưi mut lăng hơdôm tơlơi pơhing kơ hră lơkak, tơlơi pơhing kơ lŏn mơnai, bruă jao hră pơ-ar mă yua lŏn mơnai …mơng khul grup, sang anŏ brơi amuñ ƀiă.

VOV/Siu Đoan: Pơblang