Anai dưi lăng lĕ tơlơi pơtom hiăp prong mơ̆ng ƀôn prong Hà Nội amăng hơdôm hrơi Việt Nam hăng Khač hmâo hăng glăk hmâo pok pơhai klă Tơlơi lăi pơtŏng hrŏm Việt Nam – Khač tơdơi kơ tal čuă mơ̆ng Khua git gai Ping gah dêh čar ta Nguyễn Phú Trọng hăng hơdor glăi 15 thun hrơi pơjing bruă gum hrŏm abih bang amăng thun 2023.

Amăng mông jơnum pơphun ngă lơphet kĭ pơkôl hră pơ-ar jơnum, kĭ pơkôl gum hrŏm kơplah wah hơdôm bơnah, hrŏm hăng anun amra pơsit glăi bruă ngă tui hơdôm bôh yôm gum hrŏm amăng Hră čih glăi bruă jơnum tal 9, črông sai jơlan gah pioh ngă tui ba glăi bôh tơhnal hơdôm bôh yôm gum hrŏm pơ̆ anăp anai, djru pơtrut pơđĭ kyar bơwih ƀong mơ̆ng hơdôm bôh tơring čar ding kơna hăng gum hrŏm hơdai bơhmâo yua kơ hơdôm bơnah amăng bruă bơwih ƀong./.