Rơbêh kơ 500 čô khua pơ ala lĕ ƀing kơsem min bôh thâo phrâo, mơnuih wai lăng, nai pơtô gưl dlông, kơsem min rai mơng hơdôm bôh sang hră, anom kơsem min amăng hơdră phrâo sinh học đơ đam dêh čar hmâo gum hrom jơnum. Hơdôm tơlơi lăi pơthâo glăi tơlơi gum lăi amăng mông jơnum hmâo lăi đĭ laih hơdôm tơlơi ba jơlan hlâo mơng hơdră phrâo sinh học, kah hăng: Asar gar phun, hơdră pơplih pơkra gen, hơdră lăi pơblang akô̆ tlôn DNA rơnuk phrâo, kơsem min mă yua amăng bruă ia jrao, akan hơdang hăng bruă đang hmua.

Jơnum lĕ bruă bơkơtuai bôh thâo phrâo kiăng ƀing kơsem min bôh thâo phrâo, nai pơtô gưl dlông, kơsem min, mơnuih tui hrăm hăng čơđai gưl dlông mơng hơdôm bôh sang hră đại học, Anom kơsem min, hơdôm sang bruă hăng anom bơwih ƀong mă bruă gah hơdră phrâo sinh học hăng hơdôm bruă bơdjơ̆ nao pơbưp, lăi pơthâo nao rai, pơdah hơdôm bôh tơhnal, bôh than kơsem min phrâo hloh, jing tơhnal kiăng tô nao rai, gum hrom pơđĭ kyar hơdôm tơlơi pơmin kơsem min phrâo, nao dơlăm, pơlir gơnong bruă./.