Pơhiăp ƀơi mông jơnum, ding kơna Ding jum kơđi čar, Khua gum bruă Ping gah, Khua pơphun bruă Ping gah yă Trương Thị Mai brơi thâo, hrơi Gum pơgôp abih bang hơmâo pơphun rim thun pơjing rai pran jua nao hrŏm ha pran, pơđĭ tui tơlơi gơgrong bruă mơ̆ng rim čô mơnuih ƀôn sang, rim plơi pla. Anai jing boh than hơmâo mơ̆ng bruă gir kơtir, ƀu pơdơi ngă bruă mơ̆ng Jơnum min djŏp djuai ania mơnuih mơnam Việt Nam mơ̆ng hrơi akŏ pơdong truh ră anai, gum djru prong kơ bruă pơklaih rơngai djuai ania, pơlir hơbit lŏn ia, bruă akŏ pơjing hăng pơgang Lŏn ia.

Yă Trương Thị Mai lăi: Hrơi jơnum ngui jing bruă mă sit nik, tŭ yua, pơhưč hơmâo lu mơnuih gum ngă, hơmâo abih bang mơnuih ƀôn sang ngă tom; pơtrut tui tơlơi dưi ngă pô mơ̆ng mơnuih ƀôn sang hăng tơlơi gơgrong bruă yôm phun gah kơđi čar mơ̆ng Jơnum min djŏp djuai ania akŏ pơdong khul gum pơgôp djuai ania.