Hơnong pơkă amăng jơnum tal anai pel ĕp glăi bruă nagw hrŏm kơplah wah dua boh dêh čar amăng djop mơta bruă mơng Jơnum lok 18 pơ anăp, laih dong ba tơbiă hơdră ngă hrŏm pơ anăp. Dua bơnah hơmâo pơlăi nao rai hơdôm bruă hăng hơdră pơtrut ngă hrŏm amăng djop bruă anun lĕ: sĭ mơdrô, ngă hrŏm pơđĭ kyar, bruă mă - mơnuih mơnam, apui lơtrik, anih anom, prăk kak - sang bruă prăk…hăng sa, dua bruă pơkŏn dong.

Jơnum pơlir Kơnuk kơna Việt Nam - Hàn Quốc

Tơlơi rô nao rai kơplah wah Việt Nam - Hàn Quốc tŏ tui hơmâo tơlơi yak nao pơđĭ kyar kơtang amăng hơdôm thun laih rơgao amăng djop mơta bruă, ba glăi tơlơi dưi hăng thâo hluh rơđah dong, đăo gơnang tơdruă. Thun anai lĕ găn rơgao 30 thun akŏ pơjing bruă pơtom hiăp hăng ngă hrŏm pơđĭ kyar Việt Nam - Hàn Quốc, hơmâo ba glăi lu tơlơi dưi prong prin. Truh blan 9 thun anai, Hàn Quốc hơmâo giăm 9.438 akŏ bruă glăk ngă tui, hăng rơnoh prăk tuh pơ alin giăm 80 klai 500 klăk đôlar Mi, anai lĕ dêh čar ngă hrŏm prong hloh ƀơi Việt Nam mơng tuh pơ alin bơwih ƀong huă.