Pơhiăp ƀơi mông jơnum, khul bơwih ƀong bơni kơ tơlơi dưi đĭ kyar, anih tuh pơ alin hăng tơlơi hmư̆ hing mơ̆ng Việt Nam; tơlơi đăo kơnang mơ̆ng ƀing tuh pơ alin dêh čar tač rơngiao hăng hơdră git gai mơ̆ng Kơnuk kơna, Khua dêh čar; lu grup bơwih ƀong dêh čar tač rơngiao lăng Việt Nam hơmâo lu tơlơi gêh gal dưi jing anih phun blơi sĭ gơnam ƀơi rŏng lŏn tơnah; mơnuih ƀôn sang jar kmar lăng yôm kơ Việt Nam gơgrong bruă yôm phun pơtrut sĭ mơdrô ƀơi rŏng lŏn tơnah, lu anom bruă tuh pơ alin prong ƀuăn pok prong tuh pơ alin pơ Việt Nam amăng hrơi blan pơ anăp.

Khua dêh čar ơi Phạm Minh Chính čang rơmang hăng đăo kơnang hơdôm anom bơwih ƀong, pô tuh pơ alin mơ̆ng čar rơngiao kiăng khăp, đăo kơnang, ngă hrŏm kơjăp, hơmâo tơlơi pơmin pran jua tui hăng tơlơi kĭ pơkôl, ngă bruă tŭ yua, gum hrŏm hăng pơđĭ kyar hơđong kjăp, tŭ yua hrŏm hăng Việt Nam - Tơlơi truh kih mơ̆ng anom bruă tuh pơ alin ăt jing tơlơi truh kih mơ̆ng Việt Nam mơn.