Tui anun, mơ̆ng lơ 20 truh lơ 23/9/2023 ƀơi ƀôn prong Đà Nẵng pơphun Jơnum Khua ding jum Pôr pơhing ASEAN tal 16 (iâu klah čun 16th AMRI), Jơnum Khua ding jum Pôr pơhing ASEAN+3 tal 7 (iâu lĕ 7th AMRI+3) hăng hơdôm mông Jơnum khua mua pơprong bơdjơ̆ nao. Năng ai 60 čô mơnuih čih hră pơhing amăng dêh čar nao jơnum hrŏm. Git gai mông jơnum, ơi Nguyễn Thanh Lâm, Kơ-iăng khua ding jum Pôr pơhing brơi thâo, tơlơi kiăng ngă mơng blung a mơtăm mơ̆ng hodôm mông Jơnum lĕ “Pôr pơhing: Mơ̆ng Tơlơi pơhing truh pơ Tơlơi rơgơi yua kơ ASEAN Gơgrong mă pô hăng Dưi hơdip amăng tơlơi pơplih phrâo”.

Anai jing tơlơi hơmâo Việt Nam ruah ngă na nao amăng hrơi jơnum hăng hơdôm bruă mă gah rơngiao pơphun amăng tal anai. Bruă mă lăi nao rơđah tơlơi gơgrong bruă mơ̆ng bruă pôr pơhing amăng rơnuk phrâo, ba tơlơi pơhing jing tơlơi djru pơđĭ kyar, ƀu kơnong pôr pơthâo tơlơi pơhing đôč ôh mơ̆ ăt pơplih mơ̆ng tơlơi pơhing jing tơlơi rơgơi, akŏ pơdong ASEAN gơgrong mă pô, hơkrŭ kơjăp tơlơi rơgơi glăk hơmâo, tơlơi dưi pơkơdong glăi, tơlơi dưi hơdip hrŏm hăng tơlơi lông lăng, pơsit tơlơi gơgrong bruă, kơdrưh kơ-ang mơ̆ng ASEAN ƀu kơnong amăng kual đôč ôh, ăt amra dưi pơkơdong glăi tơlơi rung răng ƀơi rŏng lŏn tơnah ră anai.