Jơnum hơmâo lu khua mua nao jơnum hrŏm, Khua ding jum pôr pơhing kual ASEAN, hơdôm dêh čar ngă gŏp Khač, Japan, Hàn Quốc hăng hơdôm dêh čar krăo lăng. Đĭ pơhiăp amăng môn jơnum, Kơ-iăng khua mir sir yă Võ Thị Ánh Xuân brơi thâo, jar kmar glăk amăng thun blan hơmâo lu tơlơi rung răng, bruă pôr pơhing bơdjơ̆ nao boh thâo phrâo hăng internet ngă tơlơi pơhing lar hyu tañ hloh, tơlơi bơdjơ̆ nao tar ƀar rŏng lŏn tơnah.

Yua anun, bruă ngă hrŏm pơtrut pôr pơhing hmao tlôn, lăp djơ̆ hluai tui boh thâo mrô; ngă tơlơi pơhing jing boh thâo kiăng djru bơwih ƀong sĭ mơdrô, hrưn đĭ amăng tơlơi bơwih ƀong hăng tơlơi hơdip kơ mơnuih ƀon sang, hrŏ trun tơlơi bơbeč sat lĕ tơlơi kiăng hloh ră anai, wŏt gưl dêh čar, amăng kual hăng jar kmar, amăng anun hơmâo kual ASEAN. Amăng mông jơnum, Việt Nam ba tơbiă sa, dua hơdră bruă kiăng pơtrut pơplih yua boh thâo phrâo; hrưn đĭ mă yua internet hăng boh thâo phrâo brơi mơnuih ƀon sang; kơtưn lăi pơthâo rup rap mơng kual ASEAN hăng hơdôm boh dêh čar ding kơna…