Pơhiăp ƀơi mông jơnum, pơ ala kơ hơdôm tơring čar Gia Lai, Kon Tum, Dak Nông, Dak Lak, Bìh Phước hơmâo rơkâo đĭ hơdôm bruă mă rơđah rơđong, kiăng pơtrut ngă hrŏm bơwih ƀong huă, pơđĭ kyar mơnuih mơnam plah wah hơdôm boh tơring čar hơmâo jơlan guai dêh čar tơkuh nao rai. Gah tơring čar Gia Lai, Jơnum min mơnuih ƀôn sang tơring čar rơkâo khua mua pơ ala 3 boh dêh čar hơmâo tơlơi phiăn pơkă djru phara kơ kual tơkuh akiăng klâo bơnah pơđĭ kyar kah hăng jơlan hơdră djru pơhrŏ rơnoh mă jia sĭ mơdrô, tơlơi phiăn dưi čan prăk kơmlai ƀiă, kơtưn ngă hrŏm pok pơhai ba yua lu kơčăo bruă ia jrao plah wah hơdôm dêh čar.

Pơđut jơnum, ơi Vũ Hải Hà, ding kơna apăn bruă ping gah dêh čar, Khua anom bruă pơtom hiăp mơ̆ng anom bruă khua pơ ala mơnuih ƀôn sang dêh čar brơi thâo: Hơdôm tơlơi rơkâo đĭ yôm anun, pioh kơ khua mua 3 anom bruă pơ ala mơnuih ƀôn sang dêh čar sem lăng djru 3 kơnuk kơna dêh čar brơi ngă hrŏm, pơtrut djop sang bruă kơnuk kơna čih pơkra tơlơi phiăn pơtrun mă bruă phara kơ kual akiăng klâo bơnah jơlan guai dêh čar dưi pơgang hơđong rơnuk rơnua, akŏ pơdong bruă pơgang tơlơi mơak, giăng mah pơđĭ kyar hrŏm, ba tơlơi rô nao rai 3 boh dêh čar, 3 boh sang bruă khua pơ ala mơnuih ƀôn sang dêh čar ngă bruă dơlăm tui.