Amăng hrơi mă bruă tal sa, Jơnum hmư̆ lăi pơdah hră čih Tơlơi lăi pơthâo glăi bruă mă mơ̆ng Grŭp mă bruă Khul ngă đang hmua Việt Nam tal 7; hmư̆ tơlơi lăi pơdah Hră kơ bruă pơplih pơkra, pơhrua nao Tơlơi pơkă Khul mơnuih ngă đang hmua Việt Nam hăng hră čih pơkra Tơlơi pơkă Khul mơnuih ngă đang hmua Việt Nam pơplih pơkra; hmư̆ tơlơi lăi pơthâo glăi Tơlơi pơsit pơdŏng hơdôm bôh Anom bơkơtuai hăng pơtô brơi bơkơtuai.

Hrơi mă bruă tal sa hăng lu bruă mă yôm phăn anun lĕ: Ruah Grŭp Khua git gai; Grŭp čih pioh; Grŭp pel ĕp kơđi tơlơi kơnuih khua pơ ala; lăi pơthâo glăi bôh tơhnal pel ĕp kơnuih khua pơ ala; pơphun pel ĕp Jơlan hơdră mă bruă mơ̆ng Jơnum; hluai tui Tơlơi pơkă mă bruă mơ̆ng Jơnum. Hlâo kơ yak mut mông Jơnum tal sa, Khua Khul mơnuih ngă đang hmua Việt Nam Lương Quốc Đoàn ba jơlan hlâo Grŭp khua pơ ala nao pơhmư̆ Jơnum hmâo dưm laih guang bơnga hăng mut čuă pơsat jep Khua mir sir Hồ Chí Minh; tuĭ ñang hơdor glăi ƀing tơhan sông kơtang, pơsăn drơi ƀơi Gong kut hơdor glăi Bắc Sơn, Ba Đình, Hà Nội./.