Jơnum pơphun amăng 2 hrơi lơ 28 – 29/11. Jơnum hmâo tơlơi gum hrom mơng 1.091 čô khua pơ ala. Hăng anăn ñu “Ngă tơpă – gơgrong – gum hrom hơbit – pơđĭ kyar”, amăng tal jơnum anai, Khul pơdah rơđah, Khul apăn bruă khul đăo phơ̆t Việt Nam pơphun klah čun, pơsit bôh than dưi ngă amăng rơwang 2017-2022; pơkă jơlan gah bruă đăo, bruă pơđĭ kyar Khul đăo amăng 5 thun tô̆ tui mơng rơwang bruă 2022-2027.

Jơnum tal 9 amra pơphun phiăn pơpŭ Phiăn đăo hăng Khul pơdah rơđah; ruah Khua git gai hăng Khul git gai rơwang bruă 2022-2027, pơđĭ bruă apăn; pơphun pơkra Phiah phiăn; bơni apah pri hơdôm khul grŭp, Anom kơsem min bruă dêh čar, grŭp git gai bruă hăng rim yă yơng ơi phơ̆t, mơnuih gum bruă amăng khul đăo phơ̆t./.