VOV4.Jarai - Hăng bôh pia mă bruă “Pran gơgrong, tơlơi čang rơmang, ba jơlan hlâo, pơčeh phrâo”, mơguah lơ 12/10, 450 čô mơnuih pơ ala mơbruă kơ hlăk ai abih bang khul ling tơhan hmâo nao pơhmư̆ mông Jơnum khua pơ  ala Khul hlăk ai rơnuk Hồ Chí Minh Khul ling tơhan tal 10, rơwang bruă 2022-2027. Pơhiăp črâo ba amăng mông jơnum, pơ ala kơ Ping gah Khul ling tơhan dêh čar, Khua Ding jum khul ling tơhan, Đại tướng Phan Văn Giang djă pioh hăng lăng yôm hơdôm pran tuh rơyuh prong prin hăng tơlơi pơplih, kơjăp mơng hlăk ai Khul ling tơhan; Hrom hăng anun lăi rơđah tơlơi bruă mă mơng hơkrŭ, mơng Khul ling tơhan amăng rơwang phrâo hmâo gơgrong hlăk ai lăi hrom hăng tơdăm dra Khul ling tơhan lăi ha jăn bruă gơgrong kơdrâ̆o. Lăi rơđah 5 bruă mă kiăng ngă tui pran kơtang prong prin, bruă ba jơlan hlâo, pơčeh phrâo mơng hlăk ai hăng bruă khul hlăk ai amăng anun Đại tướng Phan Văn Giang lăi rơđah khom kơtưn bruă pơtô juăt kơđi čar, tơlơi pơmin, pran jua, tơlơi hơdip mơda kơ hlăk ai, run pran ngă giong prong djop bruă hmâo jao, djru pơdŏng hăng pơgang kơjăp lŏn ia Việt Nam djop mơnuih dưm kơnar./.

VOV.VN čih

Siu H’ Prăk pơblang