Hăng pran jua “Gum hrŏm hơbit, Pơčeh phrâo, Mut hrŏm, Lăi pơthâo yua kơ tơlơi pơđĭ kyar abih bang mơ̆ng čơđai muai, djru pơdŏng lŏn ia pơdrong asah, yâo mơ-ak” Jơnum khua pơ ala Khul pơgang ba tơlơi dưi čơđai muai Việt Nam tal 4 rơwang bruă 2023-2028 sit nik pok phun mơguah lơ 1/12 ƀơi Hà Nội. Nao pơhmư̆ hmâo 270 čô khua pơ ala brơi rơbêh kơ 110 rơbâo čô mơnuih amăng đơ đam dêh čar. Rơwang bruă rơgao, Khul pơgang ba čơđai muai Việt Nam hăng lu Khul tơring čar, ƀôn prong hmâo gơgrong hlâo klă hăng pơčeh phrâo hăng lu hơdră pioh tô nao rai, tŭ mă tơlơi pơhing mơ̆ng čơđai.

Mơ̆ng anun pơphun kơsem min , hơduah ĕp mơnuih mơnam, bơkơtuai, rôk ruai hăng hmâo laih giăm truh 40 grŭp mơnuih mơnam dưi mă tơlơi gum pơhiăp hăng giăm truh 7 rơbâo wot. Khă hnun hai, bruă mă mơ̆ng Khua rơwang bruă phrâo rơgao ăt dô̆ mơn tơlơi tơnap, tơlơi lông. Jơnum pơsit amra djă pioh dong pơphun hăng bruă mă mơ̆ng khul tui djơ̆ tơlơi pơkă, bôh than, ngă tui klă Tơlơi phiăn čơđai muai hăng hơdôm tơlơi pơkă tơlơi phiăn bơdjơ̆ nao čơđai muai. Hrŏm hăng anun kơtưn đĭ hơdôm bruă gum hrŏm pơlir gơnong bruă pơgang pơgăn taih amang čơđai muai, ngă soh hơdôm tơlơi dưi čơđai muai...