Khua git gai pơ ala mơnuih ƀôn sang dêh čar lăi rơđah, bruă prăp rơmet jơlan hơdră dêh čar pơtrun kơ bruă pơtô hrăm jing bruă yom biă, khŏm tuh pơ alin prong kơ mơnuih, ngăn drăp hăng hrơi mông. Tơlơi kiăng tuč rơnuč ñu lĕ khŏm pơđĭ tui bruă pơtô hrăm klă amăng abih bang, biă ñu lĕ nai pơtô hăng pô wai lăng rơgơi.

Kiăng pơplih tơlơi pơmin mơ̆ng hơđăp jing tơlơi pơmin phrâo, jing pơtô glăi, pơđĭ tui tơlơi rơgơi pơsir bruă, tơlơi yom hloh lĕ ăt djă bong hơnong phun akha mơ̆ng bruă pơtô hrăm, anun lĕ “blung a hrăm ngă mơnuih klă, tơdơi hrăm boh hră”. Kơ jơlan hơdră dêh čar pơtrun kiăng wai lăng tơlơi suaih pral, mrô ană mơnuih hăng đĭ kyar rơwang thun 2026-2035, anai jing phun atur pơđĭ tui tơlơi rơguăt bruă mơ̆ng sang ia jrao să phường; pơtrut ia jrao pơhlom pơgang hlâo, pơđĭ tui tơlơi suaih pral mơnuih ƀôn sang kiăo tui tơlơi kiăng mă yua boh thâo ia rơgơi phrâo, ia rơgơi mrô hăng pơplih prong kơplong đĭ mơnuih mă bruă rơgơi gah ia jrao. Yua dah ană mơnuih yơh yom phun pơsit anŏ klă bruă ia jrao, hơmâo tom bruă pơtô pơjuăt, jao glăi boh thâo ia rơgơi, prăk apah, kjăp tơlơi pơmin mơnuih ngă bruă ia jrao, hơmâo tui lu prăk kăk.