Ƀơi mông jơnum, lu khua mua hơmâo pơčrong sai, tŭ ư anăp ngă bruă gum hrŏm amăng kual črăn phrâo, laih dơ̆ng pơtrut ngă hrŏm, tơlơi phiăn hơdai gum nao rai laih anun djru pơtô ba tơlơi thâo thăi plah wah mơ̆ng djop sang bruă khul ia jrao kyâo bơrơkal mriah ngă bruă djru tơlơi khăp pap amăng dêh čar.

Pơhiăp ƀơi mông jơnum, Kơ-iăng khua dêh čar Trần Lưu Quang lăi pơtong, tơlơi gum hrŏm tong ten hăng glăm ba sit nik mơ̆ng Việt Nam hăng bruă mă Khul ia jrao kyâo bơrơkal mriah jar kmar. Kơ-iăng khua dêh čar Trần Lưu Quang ăt rơkâo, Kơnuk kơna djop dêh čar, sang bruă khul amăng jar kmar, amăng kual hăng hơdôm bơnah ăt đing nao djru lu laih anun pơtum mơnuih mă bruă djru tơlơi khăp pap tŭ yua hloh. Laih dơ̆ng čang rơmang bruă mă djru tơlơi khăp pap jar kmar kơtưn hloh amăng bruă pơhlôm hlâo, bong glăi tŭ yua hăng tơlơi lông lăng aka ƀu thâo hlâo, ngă bơbeč djơ̆ kơtang truh pơ djop dêh čar.