Amăng hrơi blan rơgao, mơnuih ngă hmua amăng tơring čar hơmâo pơplông amăng bruă mă, yua boh thâo phrâo, pơlir ngă hmua tui jơlan gah hơđong kjăp; bruă pơphun “Mơnuih ngă hmua pơplông ngă hmua, sĭ mơdrô rơgơi” pơđĭ kyar dơlăm tui, hơmâo lu hơbô̆ bruă ba glăi tŭ yua, bơwih ƀong hrŏm, sĭ mơdrô yua mơnuih ngă hmua ngă pô.

Rơwang ngă bruă phrâo, Khul pơsit jơlan ngă bruă “Gum pơgôp-Ngă pô-Pơlih phrâo-Pơčeh phrâo-Pơđĭ kyar”, đing nao pơjing khul hơđong kjăp, hrưn đĭ klă mơnuih apăn bruă, djru pơđĭ kyar ngă hmua mơtah, hiam hơdjă, rô nao rai, yua boh thâo phrâo; gir run akŏ pơjing phrâo ƀiă biă mă ñu 102 grup ngă hrŏm, 102 grup bơwih ƀong hrŏm hăng đing nao pơtop hrăm brơi giăm 250 rơbâo čô ding kơna, pơjing mơnuih ngă hmua rơgơi, lăp djơ̆ tơlơi rơkâo pơđĭ kyar.