Ƀơi mông jơnum, ƀing khua hơmâo pơsit tơlơi git gai lăp djơ̆ mơ̆ng Ping gah, Khua mir sir Hồ Chí Minh, Ping gah khul tơhan, Ding jum ling tơhan - jing tơlơi pơsit dưi ngă truh kih djŏp bruă mơ̆ng Tơhan blah ngă Khul tơhan 3; pơtŏng glăi boh than akŏ pơdong Khul tơhan 3 rơgơi, hơdeč, kơtang, pơplih phrâo; tơlơi gơgrong bruă yom akŏ pơdong kơnuk kơna abih bang mơnuih ƀôn sang pơgang lŏn ia.

Hơdôm tơlơi pơgôp hiăp ƀơi mông Jơnum pơsit tơlơi gơgrong bruă yom mơ̆ng Khul tơhan kual 3 amăng bruă iâu pơthưr, pơtô ba mơnuih ƀôn sang, đĭ kyar bơwih ƀong huă - mơnuih mơnam, pơgang tơlơi truh lŏn adai ngă, djru mơnuih bưp tơlơi truh, hơkrŭ kjăp bruă pơgang pơhlôm; hơdor glăi hơdôm tơlơi yom amăng bruă git gai, črâo bruă, akŏ pơdong hăng pơtrut pran kơtang mơ̆ng Khul; hla tui amăng bruă pơtô hrăm gru grua đưm; akŏ pơdong mơnuih ƀôn sang gum pơgang lŏn ia; djơ̆ hăng tơlơi kiăng pơgang Lŏn ia amăng rơnuk phrâo.