Pơhiăp pok phun jơnum, Khua dêh čar ta Phạm Minh Chính rơkâo jơnum pơblang, pơsit bruă git gai, črâo ba mơ̆ng gong gai dêh čar amăng thun 2023 djơ̆, djop laih hă akă? Tơlơi phrâo amăng črâo ba, git gai thun 2023 hnĭ ñu? Bôh nik ñu, hơdôm gưl, hơdôm gơnong bruă, hơdôm tơring čar, ƀôn prong hmâo thâo kơjăp tơlơi hăng hmâo tơlơi lăi glăi hơdră bruă hmao tlôn, lăp djơ̆, ba glăi bôh tơhnal hă akă...

Lăi kơ bôh tơhnal pơđĭ kyar bơwih ƀong mơnuih mơnam thun 2023 Khua dêh čar ta črâo rơđah, tơlơi bơwih ƀong mơnuih mơnam thun 2023 hmâo jơlan gah hơkrŭ glăi klă dong, blan dơi klă hloh blan anai, 3 blan dơi klă hloh 3 blan hlâo, ƀing ta phun ñu hmâo laih tơhnal pơkă abih bang ba tơbiă lĕ hơđong bơwih ƀong prong, wai lăng nua gơnam tam, pơtrut pơđĭ kyar, hơđong tơlơi hơdip mơda mơnuih mơnam hăng tơlơi hơdip mơnuih ƀôn sang dưi pơplih phrâo... Lăi pơphô brơi kơ bruă pơsit hơdôm tơlơi akă dưi ngă, ngă akă giong, tơlơi tơnap, tơlơi lông Khua dêh čar črâo rơđah, khom ngă rơđah dong bôh than ba truh hăng tơdah jơlan pơsir rơđah pioh kơ 5 tơhnal ba tơbiă ƀu djơ̆ tui kơčăo bruă... kiăng hmâo jơlan pơsir kơ thun 2024 ngă tui truh kih bruă hmâo ba tơbiă./.