Pơ ala kơ Ping gah Ƀirô khua pơ ala mơnuih ƀôn sang dêh čar, Kơ-iăng khua git gai pơ ala mơnuih ƀôn sang ơi Đỗ Văn Chiến lăi pơthâo tañ boh tŭ yua bruă Jơnum ruah khua ping gah dêh čar tal 14. Kơ bruă đĭ kyar amăng rơwang thun 2026-2030 hăng lăng nao pơ anăp truh thun 2045, hră lăi pơthâo hơmâo ba tơbiă 5 mơta bruă akŏ phun, amăng anun lăi dlăm, rơwang thun 2026-2030 kiăng pơƀut pơplih kơtang ƀơi 3 mơta bruă phun: pơplih kơ tơlơi phiăn hăng bruă ngă tui tơlơi phiăn: Čih pơkra giong djŏp tơlơi phiăn; pơđĭ tui anŏ klă tơlơi pơtrun ngă bruă, hơdră djru; pơđĭ tui bruă bơtơhmal tơdah ngă soh tơlơi phiăn; pơhlom djŏp tơlơi pơtrun prong leng kơ prăp rơmet ngă djơ̆ akŏ tlôn, hơmâo mơnuih mă bruă hăng hơmâo tơlơi pơkă krăo lăng; pơtrut pơplih anom bruă kơnuk kơna bơwih brơi mơnuih ƀôn sang; akŏ pơdong Kơnuk kơna mă yua boh thâo mrô; mă anŏ tŭ yua bơwih brơi Mơnuih ƀôn sang hăng anom mơdrô ngă gai pơkă brơi djơ̆ hă aka.

Tơlơi tŭ yua truh kih mơ̆ng mông Jơnum ruah khua ping gah dêh čar tal 14 pơƀuh tơlơi đăo kơnang, tơlơi pơmin, tơlơi gir run, hăng tơlơi lăng nao pơ anăp kiăng đĭ kyar phrâo mơ̆ng Ping gah hăng djuai ania ta. Anai jing phun atur kjăp phik kiăng abih bang Ping gah, mơnuih ƀôn sang, ling tơhan ta prăp rơmet mă pô hơdră ngă bruă, hơmâo hơtai ngă bruă, gơgrong mă pô, kơtang amăng rơnuk phrâo, ngă truh kih Tơlơi pơtrun Jơnum ping gah dêh čar tal 14, yua kơ sa lŏn ia Việt Nam rơngai, mơai pô, pơdrong sah, thâo rơgơi, hyôk hyak yâo mơak./.