Pơhiăp ƀơi mông jơnum pơđut, Khua git gai pơ ala mơnuih ƀôn sang Vương Đình Huệ lăi, thun 2024 jing thun yôm phun pơphun ngă bruă, yôm biă mă amăng bruă ngă truh kih mơ̆ng abih rơwang bruă. Yua hnun kiăng djru pơtrut pơđĭ kyar bơwih ƀong huă, hơđong tơlơi bơwih ƀong prong, pơgăn pơđĭ nua gơnam ča čot, kiăo tui hơdôm tơlơi gơñăm kiăng ngă, tơlơi kiăng pơplih rơnoh đĭ kyar, pơplih glăi tơlơi bơwih ƀong, pơplih anih anom tuh pơ alin sĭ mơdrô, pơđĭ tui mrô gơnam hơmâo pơkra, pơkra gơnam klă, tŭ yua, dưi pơhno, laih anun pơđĭ tui tơlơi kơjăp kơtang hơđăp mơ̆ng tơlơi bơwih ƀong, hluai tui pơtrut đĭ hloh hơdră ngă bruă yơyôm.

Khua git gai pơ ala mơnuih ƀôn sang dêh čar git gai lăng glăi abih bang,čih pơkra giong tơlơi phiăn, hơdră ngă bruă, akŏ bruă dêh čar, kual, anom bruă, tơring čar pơlir hăng pơtrut pơplih tŭ yua hơdră djru mơnuih mơnam, lăng ba tơlơi hơdip mơda pran jua mơ̆ng Mơnuih ƀôn sang, prăp lui klă djŏp tơlơi gêh gal bơwih brơi Mơnuih ƀôn sang čơkă thun phrâo 2024 hăng hrơi Tê̆t ngă yang thun phrâo Giáp Thìn, pơhlôm brơi abih bang lêng kơ ngui ngor čơkă thun phrâo mơ-ak, trơi pơđao.