Hlâo kơ mông Jơnum, Ding jum kơđi čar lăi pơthâo Khul apăn bruă Ping gah kơ bruă Ding jum kơđi čar pơsit ruah Đại tướng Lương Cường, Ding kơna Ding jum kơđi čar, Khua anom bruă kơđi čar Ling tơhan Việt Nam mut mă bruă amăng Khul git gai hăng ngă Ding kơna amăng Khul git gai Ping gah, ơi Lê Minh Hưng, Khua apăn bruă Ping gah, khua anom bruă Ping gah ngă Khua Khul pơphun bruă Ping gah, anom bruă Ping gah dêh čar. Tŏ tui, Kơnuk kơna pơgôp hiăp kơ bruă ruah mơnuih apăn bruă hăng sem lăng, pơsir hĭ bruă ngă soh mơnuih ƀing apăn bruă. Yang hrơi tlam, Khul apăn bruă Ping gah mă bruă ƀơi grup, pơčrông sai kơ boh tơhnal tong ten hră lăi pơthâo kơđi čar mơng Khul apăn bruă Ping gah tal XIII amăng jơnum khua mua đơ đam dêh čar tal XIV mơng Ping gah, boh tơhnal tong ten hră lăi pơthâo 5 thun ngă tui hơdră pơđĭ kyar bơwih ƀong huă-mơnuih mơnam 10 thun (2021-2030), Akŏ bruă pơđĭ kyar bơwih ƀong huă-mơnuih mơnam 5 thun, rơwang thun 2026-2030.

Ăt amăng mông jơnum pok phun Jơnum tal 9 Grŭp mă bruă Ping gah dêh čar ta tal 13 mơguah lơ 16/5, Grŭp mă bruă Ping gah dêh čar hmâo ruah pơhrua nao dong 4 ding kơna Ding jum kơđi čar tal 13. Kiăo tui anun, Ping gah hmâo ruah pơhrua nao dong 4 Ding kơna Ding jum kơđi čar ta tal 13 hmâo: Ơi Lê Minh Hưng, Ding kơna git gai Ping gah dêh čar, Khua Grŭp pơphun bruă Ping gah dêh čar, Khua Anom bruă Ping gah dêh čar; Ơi Nguyễn Trọng Nghĩa, Ding kơna git gai Ping gah dêh čar ta, Khua Grŭp pơtô bruă Ping gah dêh čar ta; Yă Bùi Thị Minh Hoài, Ding kơna git gai Ping gah dêh čar, Khua Grŭp pơtô ba mơnuih ƀôn sang dêh čar; Ơi Đỗ Văn Chiến, Ding kơna git gai Ping gah dêh čar, Ding kơna git gai Ping gah Khul hlăk ai, Khua Jơnum min djop djuai ania mơnuih mơnam dêh čar Việt Nam./.