VOV4.Jarai-Mơguah lơ 19/9, ƀơi Hà Nội, Jơnum min git gai pơ ala mơnuih ƀôn sang dêh čar jơnum pơčrông sa hnong bruă blan 9. Pơphun amăng 4 hrơi, ƀơi mông jơnum anai, Jơnum min apăn bruă git gai pơ ala mơnuih ƀôn sang dêh čar pơgôp hiăp nao amăng lu bruă mă yôm, amăng anun tơlơi phiăn Lŏn tơnah čih pơkra glăi, jơlan hơdră phara pioh pơtrut pơđĭ kyar plơi prong Ƀuôn Ma Thuôt tơring čar Dak Lak hăng hơdôm kơčăo bruă tơlơi phiăn pơkŏn pioh ba pơdah thâo jơnum lok 4 khua mua pơ ala mơnuih ƀôn sang dêh čar amăng blan 10 pơ anăp.

Ăt amăng mông jơnum anai mơ̆n, pơgôp hiăp kơ 5 mơta tơlơi phiăn pioh pơdah kơ ƀing pơ ala mơnuih ƀôn sang dêh čar kah hăng kơčăo bruă Tơlơi phiăn sĭ mơdrô pơtruh nao rai amăng điện tử, čih pơkra glăi, tơlơi phiăn pơkă rơnoh sĭ mơdrô čih pơkra glăi; tơlơi phiăn Anom bruă ngă ƀong hrom čih pơkra glăi, tơlơi phiăn juă nua, tơlơi phiăn lŏn tơnah čih pơkra glăi soh. Laih dơ̆ng, pơgôp hiăp kơ bruă pơdah thâo, tŭ mă tơlơi pơgôp hiăp, čih pơkra glăi Tơlơi phiăn pơkă lăng tơlơi duăm ruă, pơjrao duăm ruă hăng pơgôp hiăp tal 2 dơ̆ng tơlơi phiăn pơhlôm mơnuih ƀôn sang.

Nay Jek: Pơblang