VOV4.Jarai - Tŏ tui hrơi mông jơnum kơ bruă tơlơi phiăn, mơguah hrơi anai (23/9) Jơnum min apăn bruă Khua pơ ala mơnuih ƀon sang dêh čar pơgôp hiăp amăng akŏ bruă krăo lăng tong ten hăng črăn hră lăi pơthâo mơng grup krăo lăng mơng Khua pơ ala mơnuih ƀon sang dêh čar kơ “Bruă jak iâu pơgôp, wai lăng hăng mă yua prăk kak amăng bruă pơgang klin Covid-19; bruă ngă tui hơdră bruă, tơlơi phiăn kơ bruă ia jrao ƀơi ƀon lan, bruă ia jrao ƀơi anih prap lui”. Amăng jơnum lok 3, Khua pơ ala mơnuih ƀon sang dêh čar hơmâo tŭ yap hluai tui tơlơi pơtrun mơng bruă akŏ pơjing grup krăo lăng tui “Bruă jak iâu pơgôp, wai lăng hăng mă bruă prăk kak amăng bruă pơgang klin Covid-19; bruă ngă tui hơdră bruă, tơlơi phiăn kơ bruă ia jrao ƀơi ƀon lan, bruă ia jrao ƀơi anih prap lui. Boh tơhnal krăo lăng lĕ boh than dưi ngă, anŏ aka ƀu klă, gun găn, pơsit tong tơlơi ba truh, pơsit tong tơlơi glăm ba mơng hơdôm anom bruă, khul grup, ƀing mơnuih amăng bruă: jak iâu pơgôp, wai lăng hăng mă bruă prăk kak amăng bruă pơgang klin Covid-19; ngă tui hơdră bruă, tơlơi phiăn. Laih dong, rơkâo hơdôm hơdră bruă kiăng kơ klă dong amăng jak iâu pơgôp, wai lăng hăng mă yua prăk kak amăng pơgang klin; ngă tui hwodră bruă, tơlơi phiăn kơ bruă ia jrao ƀơi ƀon lan, anih prap lui hăng pơgiong hơdôm hơdră bruă, tơlơi phiăn bơdjơ̆ nao.

Siu Đoan: Pơblang