Anom bruă Khua pơ ala mơnuih ƀôn sang dêh čar brơi thâo, jơnum lok 2 mơng Jơnum min apăn bruă Khua pơ ala mơnuih ƀôn sang pơphun amăng mơguah lơ 11/5/2026, ƀơi sang jơnum Tân Trào, Ƀirô Khua pơ ala mơnuih ƀôn sang dêh čar. Khua git gai pơ ala mơnuih ƀôn sang dêh čar ơi Trần Thanh Mẫn đĭ pơhiăp pok pơphun hrŏm hăng ƀing kơ-iăng khua pơ ala mơnuih ƀôn sang pơplih nao rai git gai bruă mă amăng mông jơnum. Amăng jơnum lok anai, Jơnum apăn bruă Khua pơ ala mơnuih ƀôn sang amra sem lăng, tŭ yap tơlơi pơtrun pơplih pơkra, pơhrua sa, dua črăn amăng tơlơi pơtrun pơmut hrŏm hră pơ-ar pơkă djơ̆ tơlơi phiăn.

Kơ bruă krăo lăng, jơnum min apăn bruă Khua pơ ala mơnuih ƀôn sang amra sem lăng hră lăi pơthâo kw bruă ngă tui tơlơi rơkâo mơnuih ƀôn sang mơng Ƀirô Khua pơ ala mơnuih ƀôn sang dêh čar blan 3 hăng 4/2026. Amăng mông jơnum, jơnum min apăn bruă Khua pơ ala mơnuih ƀôn sang amra lăng glăi Jơnum lok blung a hăng pơgôp hiăp blung a kơ bruă prap lui Jơnum lok 2, Khua pơ ala mơnuih ƀôn sang dêh čar XVI.