Tui jơlan hơdră, Jơnum min apăn bruă Khua pơ ala mơnuih ƀôn sang dêh čar ta amra gum pơhiăp kơ bruă lăi pơblang, tŭ mă, pơplih pơkra tơlơi čih Phiăn lŏn drŏn (pơplih pơkra); Tơlơi phiăn hơdôm khul brơi čan prăk (pơplih pơkra); hră čih Tơlơi pơtrun pơsit kơ sa dua hơdră pơkă, hơdră bruă pha ra ha jăn pioh pơtlaih tơlơi tơnap, tơlơi gun, pơtrut tañ rơnoh ngă tui hơdôm jơlan hơdră pơkă mơ̆ng lŏn ia hăng hră čih Tơlơi pơtrun pơsit kơ bruă pơhrua nao Kơčăo bruă tuh pơplai găp ƀrô ngăn rơnoh ngăn drăp dêh čar rơwang 2021-2025 mơ̆ng prăk pơhlôm hlâo hrŏm pơalin hrŏm ngăn rơnoh, pơkrem mă yua ngăn drăp kơnuk kơna thun 2022 kơ hơdôm bruă mă, rơwang bruă tuh pơplai bruă hrŏm hăng pơhrua nao Kơčăo bruă tuh pơplai bruă hrŏm găp ƀrô kơ Khul apui lơtrik Việt Nam mơ̆ng ngăn rơnoh pơhlôm hlâo mơ̆ng Kơčăo bruă tuh pơplai bruă hrŏm găp ƀrô.

4 bôh yôm phăn anai dưi hmâo ƀing khua pơ ala mơnuih ƀôn sang bơkơtuai hur har pran jua amăng mông Jơnum 2 hrơi mơ̆ng Tal jơnum ƀu hmâo pơkă hlâo lok 5. Tơdơi kơ Jơnum min apăn bruă Khua pơ ala mơnuih ƀôn sang dêh čar ta tŭ mă, pơplih pơkra ƀing khua pơ ala mơnuih ƀôn sang amra pel ĕp, lăng glăi amăng mơguah lơ 18/1 pơgi amăng Tal jơnum ƀu hmâo pơkă hlâo lok 5 anai./.