Anai lĕ: Tơlơi pơtrun kơ bruă krăo lăng mơng Khua pơ ala mơnuih ƀôn sang dêh čar; Tơlơi pơtrun kơ bruă krăo lăng mơng Jơnum min pơ ala mơnuih ƀôn sang hăng tơlơi pơtrun kơ bruă krăo lăng hră pơ-ar djơ̆ tơlơi phiăn. Bruă ba tơbiă mă yua hơdôm tơlơi pơtrun anai ƀu djơ̆ kơnong plih hĭ hơdôm hră pơ-ar abih hrơi mă yua đôč ôh mơ̆ ăt pơsir hĭ bruă luk puk, ƀu pơlir nao rai amăng tơlơi sit nik krăo lăng amăng hrơi blan rơgao; mơng anun hrưn đĭ boh tŭ yua, laih dong tŏ tui tơlơi gơgrong, tơlơi glăm ba mơng Ƀirô Khua pơ ala mơnuih ƀôn sang dêh čar hăng Jơnum min pơ ala mơnuih ƀôn sang djop gưl.

Ăt amăng yang hrơi tlam. Jơnum min apăn bruă Khua pơ ala mơnuih ƀôn sang tŭ yap mă yua tơlơi pơtrun kơ hơnong pơkă anih anom mă bruă hăng tơlơi pơtrun kah gưl plơi prong; jơlan hơdră bruă mă mơng Jơnum min apăn bruă Khua pơ ala mơnuih ƀôn sang thun 2026; Lăng glăi jơnum lok 10, Khua pơ ala mơnuih ƀôn sang dêh čar tal XV hăng pơgôp hiăp blung a kơ bruă prap lui jơnum lok I, Khua pơ ala mơnuih ƀôn sang dêh čar XVI.