Pơgôp hiăp kơ tơlơi anai, Khua git gai pơ ala mơnuih ƀôn sang dêh čar ơi Trần Thanh Mẫn tŭ ư hăng hră pel ĕp mơ̆ng Jơnum min Pơgang rơnuk rơnua hăng Pơtom hiăp hăng tač rơngiao ăt mă yua anăn hơđăp mơn; laih dong lăi, kơčăo bruă ba tơbiă amăng hrơi blan kiăng ječ ră anai, amăng hrơi mông bruă ngă soh gah ayuh hyiăng anih hơdip jai hrơi kơtang, krăp lăng tơnap, ngă soh rơgơi hloh, bơbeč kơtang kơ tơlơi suaih pral mơnuih ƀôn sang, tơlơi đĭ kyar hơđong hăng rơnuk rơnua phrâo aka ƀu hơmâo ôh mơ̆ng hlâo.

Khua git gai pơ ala mơnuih ƀôn sang pơtă hlâo, kiăng ngă ha amăng plĕ gong gai tui hơbô̆ bruă phrâo kah hăng: pơhrua tui tơlơi pơkă jao tơlơi dưi pơsir bruă, hlâo adih lĕ gưl tơring glông, ră anai jao glăi sang să ƀudah anom bruă tơhan pôlih wai lăng ayuh hyiăng anih hơdip tơring čar, hăng tơlơi pơkă djru boh thâo ia rơgơi mrô kiăng pơhlom krăp lăng amăng plơi pla, pơkra glăi hơdôm mơta tơlơi kiăng grup tơhan wai lăng ayuh hyiăng yua kông an să wai lăng, pơƀut hyu tir sem lăng amăng plơi pla, plai ƀiă hơmâo anŏ pơgao lui, pơsir bruă anet amăng plơi pla tŭ yua hloh.