Truh ră anai, kơčăo bruă tơlơi phiăn anai hơmâo čih pơkra, pơhrua nao dơ̆ng, ngă djop boh yôm phun pơkă, dưi hơmâo ƀing mơnuih rơgơi kơhnâo lăng yôm. Khă hnun, tơlơi pơkă pơkôl brơi prăk hlâo ƀudah juăt lăi joh gai amăng bruă sĭ mơdrô sang dŏ, ring bruă man pơdong kơñ pơgi anai, dŏ lu tơlơi pơgôp hiăp phara đơi.

Hơdrôm hră tơlơi phiăn sĭ mơdrô lŏn sang pơhrua phrâo hơmâo pơkă, pô sĭ ƀu dưi mă prăk hlâo hăng rơnoh truh 95% rơnoh prăk blơi, lơ̆m pô blơi aka ƀu hơmâo hră pơsit pô lŏn sang, 5% rơnoh prăk dŏ glăi amra jao abih tơl sang bruă kơnuk kơna ngă brơi giong hră jing pô lŏn sang phrâo blơi anun. Samơ̆ tơlơi phiăn lŏn mơnai čih pơkra glăi hlăk pơkă lĕ pô blơi khom jao abih rơnoh prăk blơi kah sang bruă tăm pong hră pơar lŏn mơnai mơ̆ng tŭ mă hră pơar hăng ngă hră pơar pơ blih anăn pô yua lŏn sang kơ pô blơi.