Tơlơi phiăn Lŏn tơnah (pơkra glăi) phrâo hloh hơmâo čih pơkra glăi tŏng ten, klă hloh pơhmu hăng Tơlơi phiăn pơdah pơ Khua mua pơ ala mơnuih ƀôn sang jơnum lok 5 phrâo rơgao. Ră anai, tơlơi phiăn dŏ hơmâo lu tơlơi ƀing khua aka ƀu tŭ ư hrŏm ôh kah hăng: jơlan hơdră lŏn tơnah kơ mơnuih ƀôn sang djuai ƀiă; tơlơi dưi hăng bruă kiăng ngă mơ̆ng anom bơwih ƀong, anom bruă kơnuk kơna pơdong mă yua lŏn apah mă rim thun; bruă mă yua lŏn gưl tơring glông...Pơhrui glăi lŏn kiăng pơđĭ kyar bơwih ƀong huă - mơnuih mơnam yua tơlơi klă hiam kơ dêh čar, mơnuih mơnam ăt hơmâo lu tơlơi pơgôp hiăp phara. Ăt amăng hrơi anai, Jơnum min apăn bruă pơ ala mơnuih ƀôn sang pơgôp hiăp kơ bruă lăi pơthâo, pơhmư̆, pơplih pơkra glăi tơlơi phiăn sang dŏ (pơkra glăi).