Khua git gai pơ ala mơnuih ƀôn sang dêh čar ơi Vương Đình Huệ pơhiăp git gai hăng pơđut mông tơña anai. khua ding jum tơlơi phiăn ơi Lê Thành Long pơƀut lăi glăi tơlơi tơña mơ̆ng ƀing pơ ala mơnuih ƀôn sang kơ bruă čih pơkra tơlơi phiăn, mă yua tơlơi phiăn; hơdră pơhlôm djơ̆ hrơi pơkă, anŏ klă hăng hră pơ-ar čih pơkra kơčăo bruă Kơnuk kơna pơdah thâo pơ Khua mua pơ ala mơnuih ƀôn sang dêh čar; hơdră pơđĭ tui anŏ klă mơ̆ng anom bruă tơlơi phiăn, pơgang ƀing kơnang kơ ngă khua mơ̆ ngă bruă ča čot, pơgăn hưp ham ƀong kông ngăn kơnuk kơna amăng bruă čih pơkra tơlơi phiăn yua Kơnuk Kơna gơgrong wai lăng.

Kơ bruă yua Ding jum bruă hmua hăng pơđĭ kyar ƀôn lan, Khua ding jum ơi Lê Minh Hoan lăi glăi kơ hơdră pơsir tơnap tap bruă ba sĭ gơnam, hrŏm hăng anun lĕ bruă mă yua, pơgang hăng pơđĭ kyar akan hơdang; hơdră pơsir hĭ “hră kơñĭ” mơ̆ng Jơnum min kual Mi Kô̆ (EC) hăng akan hơdang; bruă pơplih bruă mă yua, mă glăi lŏn ngă pơdai, pơhlôm rơnuk rơnua braih apiăng hăng ba sĭ braih.