Khua čih pioh Khua pơ ala mơnuih ƀôn sang dêh čar ta, Khua Anom bruă Khua pơ ala mơnuih ƀôn sang dêh čar ta ơi Bùi Văn Cường brơi thâo: Tal jơnum lok 7, Khua pơ ala mơnuih ƀôn sang amra pel ĕp 40 bôh yôm, amăng anun hmâo 24 bôh yôm gah bruă čih pơkra tơlơi phiăn, 16 bôh yôm kơ bruă bơwih ƀong mơnuih mơnam, ngăn drăp kơnuk kơna, lăng tui hăng hơdôm tơlơi yôm phăn pơkon. Pơkă hlâo abih bang hrơi mă bruă lĕ 27 hrơi, pok phun amăng lơ 20/5 hăng pơđut amăng čơtlăm lơ 28/6.
Amăng mông jơnum, ƀing ding kơna amăng Jơnum min apăn bruă Khua pơ ala mơnuih ƀôn sang dêh čar lăi lĕ, bruă Gong gai dêh čar ba tơbiă Tơlơi phiăn lŏn drŏn thun 2024 mă yua ngă tui mơ̆ng lơ 1/7/2024 pơ ala kơ lơ 1/1/2025 kah hăng amăng Tơlơi phiăn Lŏn drŏn hmâo pơkă laih. Khă hnun hai, truh ră anai, Jơnum min apăn bruă Khua pơ ala mơnuih ƀôn sang dêh čar akă hmâo mă ôh Hră lăi pơthâo mơ̆ng Gong gai dêh čar rơkâo čih pơkra Tơlơi pơtrun pơsit mơ̆ng Khua pơ ala mơnuih ƀôn sang dêh čar pơplih pơkra, pơhrua nao rơwang mrô 1 mơta tơlơi mrô 252 Tơlơi phiăn lŏn drŏn./.
Viết bình luận