Anai lĕ sa amăng hơdôm bruă mă djơ̆ tal jơnum pơpŭ bơni thun 2023 yua kơ Jơnum min djuai ania git gai, ngă hrŏm Ding jum Pơtô hăng Pơjuăt, anom bruă hlăk ai mut phung rơnuk HCM dêh čar, pơphun dua hrơi lơ 25 hăng lơ 26/12. Thun anai, mrô čơđai sang hră djop gưl, čơđai sang hră gưl prong, hlăk ai mơnuih djuai ƀiă dưi ruah pioh pơpŭ hăng apah bơni lĕ 143 čô mơ̆ng 51 djuai ania, amăng anun 12 djuai ania ƀơi kual tơnap tap hloh.

Ƀing gơñu čơđai sang hră mơnuih djuai ƀiă hơmâo mă pri mrô sa, mrô dua, mrô klâo tal pơplông čơđai sang hră hrăm rơgơi gưl dêh čar, tal pơplông pơčeh phrâo ia rơgơi dêh čar, ƀudah pơplông hơmâo puang lu hloh mut hrăm gưl prong, sang hră hrăm bruă kơsem min, mrô puang mơ̆gn 28 pơngŏ amăng klâo mơta tơlơi hrăm; laih dơ̆ng ƀing hlăk ai tơdăm dra mơnuih djuai ƀiă hrăm hră thâo, mă bruă rơgơi, hur har hloh dưi lăi pơthâo pioh pơpŭ bơni.