Git gai mông jơnum hơmâo Kơ-iăng khua dêh čar Trần Lưu Quang hăng Khua ding jum, Khua Jơnum min djuai ania Hầu A Lềnh. Pơhiăp git gai mông jơnum, Kơ-iăng khua dêh čar Trần Lưu Quang bơni hăng lăng yôm hơdôm tơlơi gir run ngă bruă, hơmâo boh than ba glăi mơ̆ng bruă wai lăng djuai ania.

Khă hnun, rơngiao kơ hơdôm boh than hơmâo ngă, kual mơnuih ƀôn sang djuai ƀiă hăng čư̆ siăng ăt dŏ hơmâo lu tơlơi tơnap, tơlơi lông lăng hăng lu bruă kiăng pơsir hĭ amăng mông anai. Yua hnun, Kơ-iăng khua dêh čar kiăng amăng hrơi blan pơ anăp, hơdôm ding jum, anom bruă kiăng lăng ba hloh dong bruă djua ania, amăng anun khŏm ngă bruă djơ̆ hăng tơlơi phiăn mơ̆ng rim bit anih. Pơtrut pơtô pơblang kiăng pơplih tơlơi pơmin, bruă mă mơ̆ng mơnuih ƀôn sang kiăng sit pô gơñu gir ngă bruă; ƀu ƀong ia bah, ƀu hmư̆ arăng plư pleč pơčut pơčao.