Rơđah biă mă ñu, gah anom bruă pơ ala mơnuih ƀôn sang, ƀing hơmâo anăn arăng plĕ hră đăo kơnang kah hăng Khua jơnum min hăng 2 čô Kơ-iăng khua jơnum min pơ ala mơnuih ƀôn sang, hrŏm 4 čô khua gơnong bruă gưl tơring čar. Gah sang bruă Jơnum min mơnuih ƀôn sang tơring čar, Khua Jơnum min mơnuih ƀôn sang tơring čar, hrŏm hăng 1 čô Kơ-iăng jơnum min mơnuih ƀôn sang, 25 čô ding kơna jơnum min mơnuih ƀôn sang tơring čar jing khua gơnong bruă ƀơi tơring čar hăng khua anom bruă bơkơnar hăng tơring čar. Boh tơhnal brơi ƀuh, hơmâo 21/27 čô mơnuih hơmâo mrô hră plĕ ruah lu hloh 50%.

Amăng anun, Hồ Văn Niên-Khua git gai ping gah, Khua jơnum min mơnuih ƀôn sang Gia Lai lĕ ƀing hơmâo mrô plĕ ruah đăo kơnang lu hloh mơ̆ng 62/64 pok hră. Ƀu hơmâo ôh mrô khua arăng plĕ hră ruah aset hloh 2/3 mrô hră plĕ hră. Ăt amăng tal jơnum anai mơ̆n, khua mua pơ ala mơnuih ƀôn sang tơring čar Gia Lai hơmâo sem lăng hăng hră pơdah thâo brơi kơ Hồ Văn Điềm-ding kơna apăn bruă phun git gai ping gah, Khua jơnum min djop djuai ania mơnuih mơnam Việt Nam tơring čar, ding kơna anom bruă bơwih ƀong huă djă prăk kăk Khul pơ ala mơnuih ƀôn sang tơring čar, brơi pơdơi ngă pô pơ ala mơnuih ƀôn sang tơring čar.