Tui hăng hră lăi pơthâo, Jơnum min mơnuih ƀôn sang tơring čar Dak Lak rơkâo Khul Khua pơ ala mơnuih ƀôn sang tơring čar pel ĕp, pơplih pơkra hrŏ trun sa dua kơčăo bruă ngăn rơnoh rơwang 2021-2025. Bôh than lĕ ngăn drăp pơhrui mơ̆ng tơring čar hrŏ trun hơdôm rơbâo klai prăk, ƀu dưi pơsir djop prăk kơ hơdôm rơwang bruă.

Abih bang kơčăo bruă thun pơplai bruă hrŏm thun 2025 mơ̆ng tơring čar Dak Lak pơkă hlâo giăm 9.316 klai prăk mơ̆ng ngăn drăp. Amăng anun, prăk ƀơi tơring čar lĕ 4.569 klai prăk. Khă hnun hai, pơhrua ngăn drăp mơ̆ng tơring čar rơwang 2021-2025, pơkă hlâo hrŏ trun rơbêh kơ 2 rơbâo klai prăk anun tơnap pơhlôm ngă tui kơčăo bruă hrŏm rơwang 2021-2025. Jơnum min mơnuih ƀôn sang tơring čar Dak Lak rơkâo Khul Khua pơ ala mơnuih ƀôn sang tơring čar pel ĕp, pơplih pơkra hrŏ trun sa dua bôh yôm akă ngă tui, tui tơlơi kiăng hmâo sit hăng tui Tơlơi pơtrun pơsit mơ̆ng rơkâo Khul Khua pơ ala mơnuih ƀôn sang tơring čar./.