Sit biă ñu, bruă hơmâo ƀing khua mua lăi nao rơđah lĕ pơđĭ kyar amăng thun 2025 ƀơi tơring čar Dak Lak kơnong 6,68%, aset ƀiă hơnong pơkă ba tơbiă. Lơm anun, hơnong pơkă pơđĭ kyar mơng 10% pơ glông amăng thun 2026 tui jơlan gah mơng gơnong glông hăng tơlơi pơtrun Jơnum Ping gah tơring čar, anai lĕ tơlơi pơgô̆ prong.

Tui ơi Trần Văn Tân, Khua gơnong bruă prăk kak tơring čar Dak Lak kiăng ngă tui hơnong pơkă anai, tơring čar pơsit đĭ tui bruă tuh tia pơkra ming, man pơdong hăng bơwih bơwang, lăng tuh pơ alin man pơdong hăng rơnoh prăk mă yua gah rơngiao ngăn drăp lĕ dua rơnoh prăk yua phun.

“Kơ kual tuh tia pơkra ming, man pơdong, tŏ tui pơsit tong lĕ anŏ pơtrut pơđĭ kyar phun hăng rơnoh pơđĭ kyar lĕ 18,14%. Kual tuh pơ alin man pơdong ăt kiăng đing nao jao prăk 100% tuh pơ alin man pơdong tui tơlơi pơkă, him lăng rơnoh prăk anai giăm rơbêh 14.000 klai prăk. Laih dong ăt tŭ mă hơdôm rơnoh prăk mơng hơdôm akŏ bruă mơ̆ gơnong glông pok pơhai amăng ƀon lan. Hăng hơdôm rơnoh prăk tuh pơ alin rơngiao ngăn drăp, ăt kiăng đing nao pơsir hĭ hơdôm tơlơi tơnap tap, gun găn, sit biă ñu amăng bruă ngă hră pơ-ar prap tuh pơ alin kiăng hơdôm akŏ bruă anai dưi pok pơhai”.