Pơphun mơ̆ng lơ 9/3 truh lơ 13/3, jơnum ngui hmâo ngă pơhưč năng ai ñu 250.000 wot čô tuai rai pơ̆ Dak Lak, amăng anun hmâo 1.800 wot čô tuai dêh čar tač rơngiao. 17 jơlan hơdră sit nik mơ̆ng jơnum ngui hmâo pioh glăi lăp klă hăng djop mơnuih. Lu bôh yôm dưi pơplih phrâo, pơčeh phrâo jum dar anăn ñu “Buôn Ma Thuột - Anih nao kơphê rŏng lŏn tơnah” hmâo lăi pơthâo hyu laih tơlơi pơhing: Tŭ mă, Anih nao, Mut hrŏm mơ̆ng kơphê Việt Nam.

Amăng mông jơnum ngui, tal blung a khua khul kơphê jar kơmar hmâo tơlơi pơhiăp pơđom pioh yak pơplih phrâo yôm phăn amăng bruă pơđĭ dlông anih gơgrong kơphê Việt Nam amăng hla kak rŏng lŏn tơnah. Amăng hơdôm hrơi pơphun jơnum ngui hmâo laih lu bruă mă tô nao rai bruă sĭ mơdrô ngă pơhưč lu anom bơwih ƀong sĭ - blơi gơnam hăng dêh čar tač rơngiao amăng dêh čar hăng dêh čar tač rơngiao gum hrŏm. Hrŏm hăng anun lĕ hơdôm bruă mă bôh thâo đưm hur har, phara ha jăn. Jơnum min mơnuih ƀôn sang tơring čar Dak Lak pơsit: Jơnum ngui kơphê tal 9 truh kih klă hiam, anăp nao tơhnal pơdŏng “Buôn Ma Thuột jing anih nao mơ̆ng kơphê rŏng lŏn tơnah”./.